მეტად უცნაური რამეები ხდება შიდა პოლიტიკაში, მიუხედავად იმისა, რომ არც მსოფლიოში მიმდინარე პროცესები ტოვებს სიჯანსაღის განცდას. გასული კვირა იმითაც იყო უცნაური, რომ 1991 წლის მოწვევის უზენაესი საბჭოს წევრების ნაწილი შეიკრიბა და, როგორც თავად უწოდებენ, კანონიერი ხელისუფლება აღადგინეს. და თუმცა არ მგონია, ამ პროცესს გაგრძელება ჰქონდეს, მართლაც უცნაურია, რატომ გადაწყვიტეს ამ ნაბიჯის გადადგმა, მაინცდამაინც ახლა? – ამ და ქართულ პოლიტიკურ სივრცეში მიმდინარე მოვლენებზე მამუკა გიორგაძე გვესაუბრება.

უცნაური მსოფლიო ჩამოყალიბდა: გამოცხადდა, რომ ირანის სულიერი ლიდერი უნდა მოკვდეს (იმისდა მიუხედავად, მომწონს თუ არა ის და მისი საქმიანობა, ცოტა უხერხულია ადამიანზე ნადირობის გამოცხადება). ამის პარალელურად, ირანს არ შეიძლება, ჰქონდეს ბირთვული იარაღი, მაგრამ შეიძლება, ჰქონდეს პაკისტანს; ისრაელი შეიძლება, თავს დაესხას ნებისმიერს, ვინც, მისი აზრით, საფრთხეს უქმნის, მაგრამ, თუ სხვა სახელმწიფო დაესხმება იმავე მოტივით თავს მეორე სახელმწიფოს, ეს დასაგმობია. ბუნებრივია, პოლიტიკა ყოველთვის მსგავსი მოტივებით ხელმძღვანელობდა, მაგრამ ახლა აღარაფერი იმალება, რაც ბადებს ეჭვს, რომ უკვე აღიარებულია მთავარი სახელმწიფოები, რომლებსაც ყველაფრის უფლება აქვთ და მეასეხარისხოვნები, რომლებსაც ისე აბურთავებენ, როგორც ეს პირველხარისხოვნებს მოეპრიანებათ, – ამ თემაზე მამუკა გიორგაძე გაგვიზიარებს თავის მოსაზრებას. ვრცლად »

ავტორი: ნინო ხაჩიძე 13:00 12.06

თავდაპირველად მხოლოდ საზოგადოებრივი აზრისა და მედიის დონეზე ინერგებოდა ჩვენს სტრატეგიულ პარტნიორ აზერბაიჯანში მოსაზრება, რომ ნარიყალა თურქული ციხეა, რომ ქართველები ქვემო ქართლში ისტორიულ ტოპონიმებს, ანუ თურქულ სახელწოდებებს უცვლიან დაბებსა და სოფლებს (არადა სწორედაც რომ, ისტორიული სახელწოდებები დავუბრუნეთ ქართულ დაბებსა და სოფლებს და მერე რა, რომ იქ დღეს ეთნიკური აზერბაიჯანელი საქართველოს მოქალაქეები ცხოვრობენ?!). ახლა უკვე აზერბაიჯანელი მეცნიერები გამოთქვამენ აზრს, რომ არათუ თბილისი, ზოგადად, აღმოსავლეთი საქართველო აზერბაიჯანის კუთვნილება იყო და დღესავით ნათელია, რომ ამას ისინი ვერ იტყვიან ოფიციალური ბაქოს თანხმობისა და მითითების გარეშე, მეორე მხრივ, აზერბაიჯანის ლიდერი ილჰამ ალიევი ოფიციალურად პატივისცემას გამოხატავს პრემიერ-მინისტრ ღარიბაშვილის, ანუ ქართული სახელმწიფოს მიმართ და მათ შორის აქტიური მიმოსვლა და ძმური სიყვარულის ორმხრივი მტკიცებაა. რისკენ ისწრაფვის აზერბაიჯანი? – ამ თემას მამუკა გიორგაძესთან ერთად განვიხილავთ. ვრცლად »

თურქეთის პრეზიდენტის ბოლოდროინდელი რიტორიკა საკმაოდ შეიცვალა, კერძოდ, ისრაელ-„ჰამასის“ სამხედრო დაპირისპირების ფონზე საკმაოდ ყურადსაღებია რეჯებ ერდოღანის აგრესიული განცხადებები როგორც ისრაელის, ასევე, ამერიკის შეერთებული შტატების მისამართით და იმას გარდა, რომ იხსენებს, ისრაელის დღევანდელი ტერიტორია ოსმალეთის იმპერიის მიწაზეაო. იმის გათვალისწინებით, რომ 1555 წლის ამასიის ზავით ოსმალეთმა და სპარსეთმა საქართველო შუაზე გაიყვეს, ფაქტია, რომ დასავლეთ საქართველოსაც შეიძლება, ეწოდოს ოსმალეთის იმპერიის მიწა. თურქეთის პირველი პირის აქტივობებზე მამუკა გიორგაძესთან ერთად ვისაუბრებთ.